Shavkat Mirziyoev 15 dekabr kuni iqtisodiy rivojlanish, samarali boshqaruv va xalqaro hamkorlik masalalari bo`yicha maslahatchi Suma Chakrabarti ishtirokida yig`ilish o`tkazdi.
Mamlakatimizdagi ijtimoiy-iqtisodiy islohotlar dasturining natijadorligini oshirish borasidagi chora-tadbirlarning borishi va kelgusi rejalar ko`rib chiqildi.
Investisiya va ishbilarmonlik muhitini takomillashtirish, xorijdagi etakchi kompaniya va moliyaviy institutlarni jalb qilgan holda iqtisodiyotning turli tarmoqlarida yirik loyihalarni ilgari surish bo`yicha olib borilayotgan ishlar samaradorligini oshirishga alohida e`tibor qaratildi.
O`zbekistonning Jahon savdo tashkilotiga a`zo bo`lishi jarayoni va mamlakatimizning xalqaro reytinglardagi o`rnini yuksaltirish bilan bog`liq masalalar muhokama qilindi.
