Joriy yilning 4-11 dekabr kunlari Moskva fizika-texnika institutida 1-Xalqaro ilmiy fizika olimpiadasi tashkil etildi.
O`zbekiston Ixtisoslashtirilgan ta`lim muassasalari agentligi ma`lumotiga ko`ra, ushbu olimpiada 2023 yilda Respublika miqyosidagi olimpiadalarda g`olib bo`lgan maktab bitiruvchilari o`rtasida bo`lib o`tdi.
Mazkur olimpiadada 24 ta davlatdan jami 87 ta ishtirokchi matematik modellashtirishga asoslangan nazariy fizika bo`yicha ilmiy masalalarni bajarishdi.
Mazkur fan olimpiadasi to`rt nafar o`quvchidan tashkil topgan O`zbekiston terma jamoasi ham qatnashdi. Yakunda yurtimiz sharafini himoya qilgan o`quvchilarimizning barchasi medallarga sazovor bo`ldi.
Quyida xalqaro olimpiadada g`oliblikni qo`lga kiritgan o`quvchilar bilan tanishing:
-Jaloliddin Boymahammadov – Mirzo Ulug`bek nomidagi ixtisoslashtirilgan maktab bitiruvchisi – kumash medal va milliy olmos medali;
-Javohir Sultanov – Mirzo Ulug`bek nomidagi ixtisoslashtirilgan maktab bitiruvchisi – kumush medali;
-Mirshodjon Rajabov – Moskva muhandislik-fizika instituti talabasi – bronza medali;
-Jasurbek G`ulomjonov – Namangan viloyati Chust tumani 71-maktab bitiruvchisi – bronza medali.
