Ikkinchi yarim engil (-55,34 kg) vazn toifasida WBA va IBF yo`nalishlarida sobiq jahon chempioni Murodjon Ahmadaliev (12-1, 9KO) navbatdagi jangida ham muddatidan ilgari g`alaba qozondi.
WBA chempionlik kamari uchun eliminator maqomidagi jangda u Kevin Gonsalesga (26-1-1, 13KO) qarshi ringga chiqdi.
Murodjon avvaliga 6 raundda raqibini ikki marotaba nokdaun holatiga tushirdi. Sakkizinchi raundda esa yana ikki marta raqib erga quladi va hakam jangni to`xtatishga qaror qildi.
Shu tariqa Murodjon o`zi boy bergan chempionlik kamariga yana birinchi da`vogarga aylandi.