Shanxaylik (Xitoy) bashoratchi Geda laqabli maymun AQSh prezidenti saylovi natijalarini aytib berdi. Bu haqda Channel New Asia Twitter-akkauntida ma`lum qilindi.
Sariq libos kiyib olgan Geda nomzodlar Donald Tramp va Xillari Klintonning suratlari aks etgan ikkita katta surat o`rtasida tanlov amalga oshirdi. Natijada maymun milliarder Trampni tanladi va hatto uning kartondan yasalgan qiyofasini ham o`pib qo`ydi.
Shiyanhu Ecological Tourism bog`ida yashovchi bashoratchi avval ham bir necha bor kelajakni bashorat qilgan. Channel New Asia xabar berishicha, 2016 yilning boshlarida maymun futbol bo`yicha Evropa chempioni nomini ham aytib bergan. Aynan shu sababdan mahalliy aholi uni «bashoratchilar qiroli» deb ataydi.
AQSh prezidenti saylovi bugun, 8 noyabr kuni bo`lib o`tadi.
