Ijtimoiy tarmoqda Toshkent viloyatida IIO xodimi haydovchiga elektroshoker qo`llagani aks etgan video tarqaldi.
Holat yuzasidan viloyati IIBB munosabat bildirdi.
Qayd etilishicha, voqea bugun 18 dekabr soat 12:00 larda Toshkent viloyati Angren shahri hududida sodir bo`lgan. Unga ko`ra, shu kuni xizmatga jalb qilingan YPX inspektori tomonidan haydovchi 1988 yila tug`ilgan S.X. boshqaruvidagi Nexia-2 avtomashinasi qoida buzganligi uchun to`xtatilgan.
Inspektor tomonidan haydovchiga tushuntirish berilib, tegishli hujjatlarni taqdim etishi so`ralganida, haydovchi hujjat berishdan bosh tortib voqea joyidan ketib yuborgan.
Shundan so`ng, shahar dehqon bozori hududida ikkinchi marta to`xtatilgan fuqaro ogohlantirilib, qonuniy talabga bo`ysunishi so`ralganida, u YPX inspektorini turli so`zlar bilan haqoratlab, qarshilik ko`rsatishda davom etgan.
"Natijada, inspektor O`zbekiston Respublikasi "Ichki ishlar organlari to`g`risida"gi qonunga asosan, "elektroshoker" qo`llagan. Hozirda voqea ishtirokchilarining harakatlariga huquqiy baxo berish maqsadida qo`shimcha o`rganish ishlari o`tkazilmoqda", - deyiladi xabarda.
