Endi ayrim dasturchilarga bo`lib to`lash sharti bilan kompyuter va texnikalar beriladi

Davlatimiz rahbari 2024 yildan boshlab hududlarda IT xizmatlarini rivojlantirish uchun qo`shimcha sharoitlar yaratilishini e`lon qildi. Bunda:

- IT kompaniyalari hududlardagi bo`sh turgan binolarga bir yil muddatga bepul joylashtiriladi;

- iqtidorli dasturchilarga bir yil ichida bo`lib-bo`lib to`lash sharti bilan kompyuter va texnikalar beriladi;

- 50 dan ortiq IT mutaxassisini ishli qilgan kompaniyalarning bir yil davomidagi ish haqi xarajatini 15 foizgacha qismi qoplab beriladi;

- eksportchi korxonalarga chetdan ekspert jalb qilish, xalqaro konferensiyalarda qatnashish xarajatlarining 50 foizi kompensasiya qilinadi.

Bu maqsadlarga kelgusi yilda 65 milliard so`m ajratiladi.

Shuningdek, Raqamli texnologiyalar vazirligi IT parkni xalqaro miqyosga olib chiqish uchun kelgusi yilda Germaniya va Saudiya Arabistonida uning sho``ba korxonalarini ochadi.