Avvalroq xabar berganimizdek, Shavkat Mirziyoev Respublika ma`naviyat va ma`rifat kengashining kengaytirilgan yig`ilishini o`tkazmoqda.
Prezidentimiz xalqaro maydonda madaniy diplomatiyamizning o`rni tobora ortib borayotganini ta`kidladi.
Jumladan, YuNESKO Bosh konferensiyasi sessiyalari qariyb 40 yildan buyon faqat Parijda o`tkaziladi.
2025 yilda esa bu konferensiyaning sessiyasini birinchi marta boshqa shaharda, ya`ni, Samarqandda o`tkazish belgilandi.
Ushbu nufuzli anjumanga Tashkilotga a`zo barcha davlatlardan vakillar tashrif buyuradi. Hech shubhasiz, bu – O`zbekiston uchun katta ishonch, ayni paytda mas`uliyat hamdir.
Shu sababli Prezidentimiz bu yirik xalqaro tadbirga hozirdan puxta tayyorgarlik ko`rishni boshlash kerakligini ko`rsatib o`tdi.
