Toshkent metrosining “Turkiston” va “Yunusobod” bekatlari 25 dekabrdan xizmat ko`rsatishni boshlaydi. Bu haqda “Toshkent metropoliteni” axborot xizmati xabar berdi.
Unga ko`ra, profilaktika ishlari o`z yakuniga etkazilgani munosabati bilan joriy yilning 25 dekabr sanasidan boshlab, bekatlar ish faoliyati soat tongi 05:00 dan tungi 00:00 ga qadar doimiy reja asosida xizmat ko`rsatadi.
"Amalga oshirilgan ishlar natijasida, yo`nalishda harakatlanuvchi poezdlar oraliq vaqt intervali tig`iz vaqtlarda 10 daqiqadan 4 daqiqagacha qisqartiriladi. Kelgusida bu ko`rsatkich yanada qisqartirilib, 2 daqiqaga etkazish rejalashtirilgan", deyiladi bu haqdagi xabarda.
