AQShning yangi prezidenti Donald Tramp saylovdan norozi bo`lib, namoyish o`tkazgan odamlarni nohaqlikda aybladi, deb xabar berdi “Lenta.ru” nashri.
Bu haqda u o`zining Tvitter sahifasida yozdi: “ Uch kun ilgari bo`lib o`tgan Prezident saylovi juda odilona va muvaffaqiyatli o`tdi. Saylovdan norozi bo`lib namoyish o`tkazayotganlar OAVlarga fitna tarqatmoqdalar. Bu adolatdan emas!”
AQShning bir qancha yirik shaharlarida mana uch kundirki, Donald Trampning prezident bo`lib saylanganidan norozi bo`lganlar mitinglar o`tkazishdan to`xtamayapti. Bugun Oregon shtatining Portland shahrida bo`lib o`tgan norozilik namoyishi ommaviy tartibsizlikka aylanib ketdi. Polisiyaning ma`lumot berishicha, namoyishchilar vitrinalarni sindirib, mashinalar harakatiga to`sqinlik qilgan. Polisiyachilar bir necha odamni qo`lga olgan.
