Bugun, 15 yanvar kuni taxminan soat 11:51 atrofida Do`stlik bekatidan harakatlanayotgan 42-sonli harakat tarkibining 4-vagonidagi elektr bilan ta`minlovchi himoya avtomatida texnik nosozlik holati kuzatilgan. Natijada vagonning asosiy yoritish chiroqlari o`chib qolgan. Bu haqda "Toshkent metropoliteni" DUK Matbuot xizmati ma`lum qildi.
"Harakat tarkibi so`nggi bekatga borganidan so`ng, mashinist tomonidan kerakli choralar ko`rilgan va yoritish tizimi qayta tiklangan. Bu holat poezdlar harakatiga hech qanday ta`sir ko`rsatmagan",- deyiladi xabarda.
