Toshkent viloyati Ekologiya boshqarmasi davlat inspektorlari tomonidan navbatdagi nazorat reyd tadbirlari o`tkazildi. Reyd davomida fuqaro J. X. tomonidan ov qilish taqiqlangan vaqtda noqonuniy tarzda 2 ta qirg`ovul ovlanganligi aniqlandi.
Ma`lumot uchun, "Hayvonot dunyosini muhofaza qilish va undan foydalanish to`g`risida"gi Qonunga ko`ra, joriy yilning 1 yanvaridan Toshkent viloyatida yovvoyi hayvonlar va qushlar uchun ov mavsumi yakunlangan.
Holat yuzasidan huquqbuzarga nisbatan tegishli tartibda hujjatlar rasmiylashtirilib, MJtKning 90-moddasi 4-qismiga asosan ma`muriy bayonnoma rasmiylashtirildi. Ishga oid hujjatlar Toshkent viloyati Chinoz tumani sudiga yuborildi. Ov quroli esa sudning yakuniy qaroriga qadar Chinoz tuman Ichki ishlar bo`limiga vaqtincha topshirildi.
Eslatib o`tamiz, ta`qiqlangan vaqtda ov qilish qonunga ko`ra qat`iy jazolanadi. “Ov qilish va ovchilik xo`jaligi to`g`risida”gi Qonunga ko`ra, bu kabi holatlarda huquqbuzarlar tegishli tartibda javobgarlikka tortiladi hamda 3 yildan 5 yilgacha ovchilar safidan chetlashtiriladi.
