Ukraina armiyasining kuchi 880 ming kishini tashkil qiladi. Bu haqda Ukraina prezidenti Vladimir Zelenskiy Germaniyaning ARD telekanaliga bergan intervyusida aytib o`tdi.
“Bizda 880 ming bor. Millionlik armiyamiz bor. Va shu bilan birga, bizda hozir 30 million odam bor, hozir aniqrog`i 30 million odam ishlamoqda va ehtimol undan ham ko`proq. Men aniq raqamni ayta olmayman”, — dedi Zelenskiy.
Uning so`zlariga ko`ra, Rossiyaning Ukrainadagi harbiy amaliyotlari boshlanganidan keyin aniq qancha ukrainalik mamlakatni tark etgani hozircha ma`lum emas. Biroq, Zelenskiyning so`zlariga ko`ra, bu taxminan 6,5-7,5 million kishi.
2023 yil dekabrida Zelenskiy Ukraina Qurolli kuchlarining quruqlikdagi qo`shinlarida 600 ming kishi xizmat qilishini aytdi.
