Avvalroq, futbolda ko`k kartochkalar paydo bo`lishi haqida xabar bergan edik.
Ushbu kartochka atayin qoidabuzarlik qilgan yoki hakam bilan ko`p tortishgan o`yinchiga ko`rsatiladi va futbolchi 10 daqiqaga maydondan chetlatilishi aytilgandi.
Biroq Xalqaro futbol assosiasiyasi kengashi (IFAB) jamoatchilik, jumladan, jamoa murabbiylari futbolda ko`k kartochkani qo`llash islohotiga salbiy munosabat bildirgani uchun yaqin orada undan foydalanmaslikka qaror qildi. Bu haqda “Daily Star” nashri xabar berdi.
Xabarga ko`ra, IFAB futbolda ko`k kartochkalarni joriy etish rejasi tafsilotlarini kecha, 9 fevral kuni e`lon qilishi kerak edi, biroq bu tashabbus bo`yicha keyingi muhokamalar jarayonni to`xtatishiga sabab bo`ldi.