Evropa Ittifoqining monopoliyaga qarshi qo`mitasi qaroriga ko`ra, Apple taxminan 10 yil davomida dasturchilarga iOS foydalanuvchilarini App Store do`konidan tashqari muqobil va arzonroq musiqa obuna xizmatlari haqida xabardor qilishni taqiqlab kelgan. Bu haqida Zamon.uz xabar bermoqda.
Evropa Komissiyasi 4 mart kuni e`lon qilgan EK press-reliziga ko`ra, iOS operasion tizimi foydalanuvchilari uchun musiqa striming xizmatlari bozoridagi ustun mavqeini suiiste`mol qilgani uchun Appleni 1,8 milliard evrodan ortiq jarimaga tortdi.
Ma`lumotlarga ko`ra, Apple'ga nisbatan tekshiruv harakatlari 2019 yilda Spotify striming xizmati tomonidan Amerika kompaniyasi ustidan shikoyat qilinganidan keyin boshlangan.
