AQSh prezidenti Jo Bayden agar hujjat Kongress tomonidan tasdiqlansa, mamlakatda TikTok`ni taqiqlashga qaratilgan qonun loyihasini imzolashini aytdi. Bu haqda zamon.uz yozmoqda.
"Agar u qabul qilinsa, men uni imzolayman", dedi davlat etakchisi.
Payshanba kuni TikTok ilovasiga qarshi kampaniya boshlandi va Kongress uni butunlay taqiqlashni rejalashtirayotganini ma`lum qildi.
NBS telekanali xabariga ko`ra, qonun loyihasi 7 mart kuni Energetika va savdo qo`mitasi tomonidan ma`qullangan. AQSh Kongressining quyi palatasi uni kelasi hafta ko`rib chiqishi kutilmoqda. Hujjat Baydenning stoliga etib borgunga qadar Senat tomonidan ham tasdiqlanishi kerak.
