Adliya vazirligi tomonidan o`tkazilgan matbuot anjumanida “Hech bir shaxs hujjatsiz qolmaydi” huquqiy aksiyasi bo`yicha amalga oshirilgan ishlar haqida ma`lumot berildi.
Ma`lum qilinishicha Respublika miqyosida jami 9 209 ta mahallalarda xatlov o`tkazilib, 98 192 nafar shaxslarda tegishli hujjatlar mavjud emasligi aniqlangan bo`lib, shundan 88 570 tasi ijobiiy hal etildi, qolgan holatlar o`rganib chiqilmoqda.
Jumladan,
1 261 nafar shaxsning tug`ilishi qayd etib berildi;
276 nafar shaxsning tug`ilishini qayd etish uchun tug`ilganlik faktini belgilash yuzasidan sudga ariza kiritildi;
9 450 nafar shaxsga tug`ilganlik haqida takroriy guvohnoma berildi ya`ni hujjatini yoqotib qo`ygan fuqarolarga ular tiklab berildi;
6 503 ta qonuniy nikohdan o`tmasdan birga yashayotgan shaxslarning nikohi qayd etildi;
2 593 nafar shaxsning o`limi muddati o`tib qayd etildi;
639 nafar shaxsning o`lim faktini belgilash yuzasidan sudga ariza kiritildi;
3 429 nafar shaxsning o`limi haqida takroriy guvohnoma berildi;
7 973 nafar fuqaroga ID-karta rasmiylashtirildi;
23 274 ta tadbirkorlik sub`ektlari davlat ro`yxatidan o`tkazildi;
12 130 ta tadbirkorlik sub`ektlari qaytaro`yxatdan o`tkazildi;
17 865 ta ko`chmas mulk ob`ektlari davlat ro`yxatidan o`tkazildi;
93 428 ta sayyor davlat xizmatlari ko`rsatildi.
