Toshkentda 8-sinf o`quvchisi tok urib vafot etishi ortidan maktab direktori va "zamdirektori"ga nisbatan jinoyat ishi qo`zg`atilgani haqida xabar berilgan edi.
Jinoyat ishlari bo`yicha Toshkent shahar Mirzo Ulug`bek tuman sudi hukmiga ko`ra, "zamdirektor" JKning 207-moddasi 3-qismi "a" bandida nazarda tutilgan jinoyatni sodir etganlikda aybli deb topildi. Unga 2 yil muddatga mansabdorlik va moddiy javobgarlik yuklatilgan lavozimlarda ishlash huquqidan va 4 yilga ozodlikdan mahrum qilish jazosi tayinlandi.
Maktab direktori ham JKning 207-moddasi 3-qismi "a" bandida nazarda tutilgan jinoyatni sodir etganlikda aybli deb topilib, 2 yil muddatga mansabdorlik va moddiy javobgarlik yuklatilgan lavozimlarda ishlash huquqidan mahrum qilindi hamda 4 yil muddatga ozodlikdan cheklash jazosi tayinlandi.
