Xitoy janubida suv toshqinlari davom etmoqda. Guandun provinsiyasiga yopirilgan kuchli yog`ingarchiliklar rasmiylarni mamlakatning aholi tig`iz yashaydigan ushbu qismida 110 ming kishini evakuasiya qilishga majbur qildi. Bu haqda Xinhua davlat axborot agentligi xabar berdi.
22 aprel holatiga ko`ra, to`rt kishi halok bo`lib, yana 10 kishi bedarak yo`qolgan.
Agentlikka ko`ra, 36 ta uy qulagan, yana 48 tasi jiddiy shikastlangan. Suv toshqinlari etkazgan jami zarar miqdori ayni vaqtga kelib 140 mln yuandan ortiqqa (19 mln AQSh dollari) baholanmoqda.
Mamlakatning boshqa qismlarida, jumladan Pekin, Tyanszin va Hebey provinsiyasida ham “o`rtacha kuchlilikdagi” yomg`ir yog`ishi kutilmoqda.
