Angliya poytaxti Londonda mashg`ulot paytida qochib ketgan qirollik otlari ko`chalarda vayronagarchilikka sabab bo`ldi. Bu haqda "ihlas Haber Ajansı" xabar berdi.
Sodir bo`lgan baxtsiz hodisada 4 kishi tan jarohati olgan.
Londonda Qirollik otliq polkiga tegishli 5 ta ot Belgravia hududidagi kundalik mashg`ulotlar vaqtida chavandozlarini tashlab qochib qolgan. Ko`chalarda tez yugurayotgan otlar vahima keltirib chiqardi.
Xabarlarga ko`ra, otlardan biri Bukingem saroyi ko`chasida mashinaga, boshqa ot esa sayyohlik avtobusiga kelib urilgan. Guvohlarning aytishicha, ot qonga belangan.
London tez yordam xizmati tomonidan berilgan bayonotda, voqeada yaralangan 4 kishining shifoxonaga olib ketilgani bildirildi.
“Biroz vaqt o`tgach, atrofdagilarning yordami bilan otlar ushlanib, veterinarga olib ketilgan”,– deyiladi xabarda.
