Eron prezidenti vertolyoti bortida bo`lganlarning barchasi halok bo`lgan deb hisoblanmoqda, deya xabar bermoqda Reuters Eron rasmiy vakiliga tayanib.
Vertolyot surati Eron OAV tomonidan e`lon qilindi. Vertolyot qulagandan keyin to`liq yonib ketgan.
“Prezident Raisiy vertolyot halokatidan keyin omon qolishi ehtimoli past”, — dedi Eron rasmiysi.
Eslatib o`tamiz, kecha, 19 may kuni Eron prezidenti bo`lgan vertolyot halokatga uchradi. Vertolyotda Sharqiy Ozarbayjon gubernatori Oyatulloh al-Hoshem va Eron tashqi ishlar vaziri Husayn Amir-Abdullohiyan ham bo`lgan.
Ibrohim Raisi bugun chegara hududida Ozarbayjon prezidenti Ilhom Aliev bilan uchrashgandi.
O`zbekiston TIV yordamga tayyorligini bildirdi.
