Norvegiya Falastinni mustaqil davlat sifatida tan oldi. Bu haqda mamlakat bosh vaziri Yonas Gar Stere ma`lum qildi. Bu haqda “Reuters” xabar berdi.
Irlandiya bosh vaziri Saymon Xarris va Ispaniya bosh vaziri Pedro Sanches ham Falastin davlatini tan olish bo`yicha qarorni e`lon qildi. Norvegiya va Ispaniyaning qarori 28 maydan kuchga kiradi.
"O`n minglab odamlar halok bo`lgan va yaralangan urushning avj olgan vaqtida biz isroilliklar va falastinliklar uchun siyosiy echim taklif qiladigan yagona muqobilni saqlab qolishimiz lozim: tinchlik va xavfsizlikda, yonma-yon yashovchi ikki davlat", — dedi Norvegiya bosh vaziri Yonas Gar Stere.
Bu qarorlardan so`ng Evropa Ittifoqining Falastinni mustaqil davlat sifatida tan olgan mamlakatlari soni 13 taga etdi.
Ma`lum qilinishicha, Isroil Falastin mustaqilligini tan olish rejalari tufayli Norvegiya va Irlandiyadagi elchilarini chaqirib olishga qaror qilgan.
Ma`lumot uchun, G7 (Kanada, Fransiya, Germaniya, Italiya, Yaponiya, Buyuk Britaniya va AQSh) davlatlaridan hech biri Falastinni tan olmaydi, Birlashgan Millatlar Tashkilotining 193 a`zosidan 140 dan ortig`i tan oladi.
Nashrning yozishicha, tegishli bayonot bugun mahalliy vaqt bilan soat 8:00da e`lon qilinishi kutilmoqda. Shuningdek, bugun Norvegiya hukumati tomonidan ham xuddi shunday qaror qabul qilinishi mumkinligi xabar qilinmoqda.
"Dublin Falastin davlatini tan olish qarorini e`lon qilishni Evropaning boshqa davlatlari muvofiqlashtirgan. Irlandiya Ispaniya, Sloveniya, Belgiya, Norvegiya va Malta hukumatlari bilan Falastin davlatchiligini tan olish masalasini muhokama qilgan", — deyiladi xabarda.
Falastin mustaqilligini BMTga a`zo 130 dan ortiq davlatlar, jumladan, Rossiya, Xitoy va Lotin Amerikasi davlatlari tan olgan. AQSh va Evropa Ittifoqining aksariyat davlatlari buni tan olmagan.
