Rossiyaning NATOga hujumi uydirma, bunday tahdid mavjud emas, Rossiya Ukrainada o`zini himoya qilmoqda, dedi Rossiya prezidenti Vladimir Putin xorijlik muxbirlar bilan suhbatda.
“Ular Rossiya NATOga hujum qilmoqchi, degan fikrga kelishdi. Siz butunlay aqldan ozganmisiz? Ular umuman mana shu stolga o`xshab ahmoqmi?" – so`radi Putin stolni taqillatib. "Bu bema`nilik", - deya qo`shimcha qildi u.
Uning so`zlariga ko`ra, bunday ritorika o`z aholisini «aldash» va "o`z imperatorlik mavqei va buyukligini" saqlab qolishni istaganlar tomonidan qo`llaniladi.
Davlat rahbari Rossiyada imperiya ambisiyalari yo`qligini ta`kidladi. Dunyo tez o`zgarmoqda, deya ta`kidladi Putin va aholisi har yili millionga oshib borayotgan O`zbekiston haqida gapira boshladi.
“Agar kimdir bizni qandaydir imperiya ambisiyalarida gumon qilsa, tasavvur qiling: biz Sovet Ittifoqini tiklaymiz va bizda asosan islomiy aholi bo`ladi. Hech narsa ixtiro qilishning hojati yo`q, bilasizmi, yo`q joydan, - dedi u va Rossiya "islomiy aholi sonining ko`payishiga qarshi emas" va bundan xursand ekanligini aytdi. Musulmon respublikalarida tug`ilishning yuqori darajasi fonida Rossiya kelajakka umid qilmoqda“, - dedi Putin.
Putin Rossiyaning “dushman qiyofasini” yaratishga hojat yo`q, bu G`arbga zarar etkazishini ta`kidladi.
