Россиянинг НАТОга ҳужуми уйдирма, бундай таҳдид мавжуд эмас, Россия Украинада ўзини ҳимоя қилмоқда, деди Россия президенти Владимир Путин хорижлик мухбирлар билан суҳбатда.
“Улар Россия НАТОга ҳужум қилмоқчи, деган фикрга келишди. Сиз бутунлай ақлдан озганмисиз? Улар умуман мана шу столга ўхшаб аҳмоқми?" – сўради Путин столни тақиллатиб. "Бу бемаънилик", - дея қўшимча қилди у.
Унинг сўзларига кўра, бундай риторика ўз аҳолисини «алдаш» ва "ўз императорлик мавқеи ва буюклигини" сақлаб қолишни истаганлар томонидан қўлланилади.
Давлат раҳбари Россияда империя амбициялари йўқлигини таъкидлади. Дунё тез ўзгармоқда, дея таъкидлади Путин ва аҳолиси ҳар йили миллионга ошиб бораётган Ўзбекистон ҳақида гапира бошлади.
“Агар кимдир бизни қандайдир империя амбицияларида гумон қилса, тасаввур қилинг: биз Совет Иттифоқини тиклаймиз ва бизда асосан исломий аҳоли бўлади. Ҳеч нарса ихтиро қилишнинг ҳожати йўқ, биласизми, йўқ жойдан, - деди у ва Россия "исломий аҳоли сонининг кўпайишига қарши эмас" ва бундан хурсанд эканлигини айтди. Мусулмон республикаларида туғилишнинг юқори даражаси фонида Россия келажакка умид қилмоқда“, - деди Путин.
Путин Россиянинг “душман қиёфасини” яратишга ҳожат йўқ, бу Ғарбга зарар етказишини таъкидлади.
