Avval xabar berilganidek, bugun Prezidentraisligida energiya resurslaridan samarali foydalanish hamda energetika sohasi ob`ektlari kuz-qish mavsumida barqaror ishlashini ta`minlash chora-tadbirlari yuzasidan videoselektor yig`ilish o`tkazildi.
Unda davlat rahbari tarmoq rahbarlari va hokimlarning bu yil elektr va gazni tejash rejasi qoniqarsiz ekanini, ular yanada katta marra olishi shartligini ta`kidladi.
Har bir hokimga 1 tadan tumanni tanlab, elektr va gaz tejash bo`yicha namuna qilish topshirildi. Ushbu tumanlarda bu yil 750 million kilovatt elektr va 550 million kub metr gaz iqtisod qilinishiga erishish muhimligi ta`kidlandi.
“Tejash – yo`qotishlarni kamaytirish, tejamkor texnologiyalarni joriy qilish hisobiga bo`lishi shart”, - dedi davlatimiz rahbari.
