25 noyabr kuni Ufadagi ko`p qavatli uylardan birining yonida paydo bo`lgan suvli ko`lmak “Lada Kalina” rusumli avtomobilni batamom yutib yubordi, deb xabar berdi “Tjournal.ru” nashri.
Avariya xizmati xodimlari kechasi bilan suvni tortib chiqardi, ammo 6 metrli chuqurlik ichidan avtomobil topilmadi. “Ufavodakanal” xodimlari mashinani suv ostidagi er yutganligini, chuqurlik er tagidagi bo`shliq tufayli yuzaga kelganligini aniqlashdi. Shundan keyin quvur yorilib ketgan. Ertasi kuni avariya xizmati xodimlari avtomobilni yutib yuborgan o`rani ko`mishdi.
