Qurbon Hayiti munosabati bilan yo`lovchilarga qulaylik yaratish maqsadida 2024 yilning 15, 16, 17 iyun kunlari 775/776-sonli “Samarqand — Toshkent — Samarqand” yo`nalishida “Afrosiyob” elektropoezdining qo`shimcha harakati yo`lga qo`yildi. Bu haqda “O`ztemiryo`lyo`lovchi” AJ matbuot xizmati xabar qildi.
Poezd quyidagi jadval asosida harakatlanadi:
775-sonli “Samarqand — Toshkent” yo`nalishi
Samarqand 11:11 — Toshkent 13:26
776-sonli “Toshkent — Samarqand” yo`nalishi
Toshkent 13:51 — Samarqand 16:05
Qo`shimcha ma`lumotni Toshkent shahridagi 1005 qisqa telefon raqami, joylardagi temir yo`l chiptaxonalari hamda ma`lumotlar byurosidan bilib olishingiz mumkin. Eslatib o`tamiz, chiptalarni nafaqat temir yo`l chiptaxonalaridan, balki elektron tarzda ushbu havola orqali xarid qilish mumkin: eticket.railway.uz
