4 dekabrda joriy yilning asosiy siyosiy voqeasi – O`zbekiston Respublikasi Prezidenti saylovi bo`lib o`tadi. O`zbekiston Prezidenti saylovini keng yoritish uchun Markaziy saylov komissiyasi qoshida 1300 dan ortiq xorijiy va milliy OAV vakillari akkreditasiya qilindi.
Xorijiy va milliy OAV vakillarining professional faoliyatlari uchun xalqaro standartlarga mos keladigan qulay infratuzilma va sharoitlar yaratish, interfaol axborot media-maydoni tashkil qilish va O`zbekiston Respublikasi Prezidenti sayloviga tayyorgarlik ko`rish va o`tkazish jarayonining borishi to`g`risida xolis kontentni shakllantirish, xalqaro kuzatuvchi va ekspertlarni, shuningdek media-hamjamiyati vakillarini respublikamiz erishgan yutuqlar bilan tanishtirish maqsadida nodavlat media-sektorning mustaqil vakillari tomonidan O`zbekistonda birinchi «Press-ClubElections.uz-2016» («Saylov.uz-2016» press-klubi)tashkil etish haqidagi fuqarolik tashabbusi ilgari surildi. Press-klub o`z multimedia maydonida xorijiy va milliy mediasoha vakillarini birlashtirishi ko`zda tutilgan. Klub tadbirlari «International Hotel Tashkent» mehmonxonasining “Billur” zalida o`tkaziladi. Ayni paytda bu erda 2016 yilning 30 noyabrida bo`lib o`tadigan klubning tantanali ochilish marosimiga tayyorgarlik ishlari olib borilmoqda.
Mazkur loyiha ijtimoiy-fuqarolik tashabbusi hisoblanadi. Bu multimedia maydoni O`zbekiston Elektron OAV Milliy assosiasiyasi, «Uzbekistan Today» axborot agentligi, «Mening Yurtim»telekanali, «Sevimli-tv.uz» internet-telekanali, «Uzreport-TV» telekanali, «Darakchi inform servis», «O`zbekiston kabel televideniesi», «Poytaxt», «Vodiy sadosi» radiostansiyalari va boshqalar tomonidan tashkil etildi. O`zbekiston Respublikasi Axborot texnologiyalari va kommunikasiyalarini rivojlantirish vazirligi loyihani texnik jihatdan qo`llab-quvvatlaydi. “Biz mulk shaklidan qat`iy nazar barcha xorijiy va milliy OAV uchun mutlaqo ochiqmiz. Bu multimedia maydonida ilg`or texnologiyalar jamlangandi: yuqori tezlikdagi internetga ega bo`lgan 80 dan ortiq zamonaviy kompyuterlar o`rnatildi, IT-texnologiya, dizayn va multimedia sohasidagi eng so`nggi yutuqlardan foydalanildi. Bular natijasida ilg`or dunyo standartlariga mos keluvchi klub tashkil etishga muvaffaq bo`lindi. Press-klub wi-fi aloqasi bilan ta`minlangan, mamlakatdagi 10 ta hududiy nodavlat telestudiyalar, EOAVMA studiyalari bilan onlayn-bog`lanish, shuningdek, alohida uzatuvchi telestansiya o`rnatiladigan Markaziy saylov komissiyasi matbuot markazi bilan bevosita onlayn aloqa yo`lga qo`yildi. Shunday qilib, ko`plab jurnalistlar press-klubda turib, ta`bir joiz bo`lsa, O`zbekiston saylov jarayoni voqealari markazida bo`ladilar», – deb aytdi press-klub rahbari, EOAVMA boshqaruvi raisi, O`zbekiston Respublikasida xizmat ko`rsatgan jurnalist Firdavs Abduxoliqov.
Press-klubning samarali faoliyat olib borishi uchun parlament a`zolari, partiyalar, vazirliklar va idoralar, fuqarolik jamiyati institutlari, shuningdek, xalqaro kuzatuvchilar ishtirokida brifinglar, matbuot anjumanlari va turkum tematik tadbirlar tashkil etishni ko`zda tutuvchi kundalik dastur-jadval ishlab chiqildi. Klubning ochilish marosimida va keyingi uchrashuvlarda O`zbekiston Respublikasi Markaziy saylov komissiyasi raisi Mirza-Ulug`bek Abdusalomov, O`zbekiston Respublikasi Oliy Majlisi Senatining tashqi siyosat masalalari qo`mitasi raisi Sodiq Safoev, Inson huquqlari bo`yicha O`zbekiston Respublikasi milliy markazi direktori Akmal Saidovlar ishtirok etadilar. Ular press-klub ishiga maslahat yordami ko`rsatadilar.
Brifinglarda «Mamlakatning siyosiy modernizasiyasi, Davomi bor», «Milliy qonunchilikka xalqaro huquqlar me`yorlarini implementasiya qilish, xalqaro xamkorlik jihatlari», «Real bellashuv, sog`lom siyosiy raqobat va elektorat bilan ishlashga yangicha yondashuvlar», «OAV va saylovlar: feedbackni ta`minlash» kabi turli mavzular muhokama qilinadi. Press-klub ishi doirasida taniqli xorijiy kuzatuvchilar va xalqaro tashkilotlar vakillari bilan intervyular tashkil etish ham rejalashtirilgan. Klub tadbirlariga turkum televizion loyihalar muallifi va prodyusseri, OAV sohasi eksperti Bobur Alixonov, taniqli jurnalist, blogger, siyosatshunos Sherzod Qudratxo`jaev, «Meningovozim» va «Moy golos» tok-shoulari boshlovchilari Sevara O`rinboeva, Mukaddas Fayozova va Nasiba Faxriddinovalar moderatorlik qilishadi.
Press-klub dasturidan shuningdek, xalqaro kuzatuvchilar va OAV vakillarini O`zbekistonning an`anaviy madaniyati va san`ati bilan tanishtirishga qaratilgan madaniy tadbirlar ham o`rin olgan. Jumladan, Ijtimoiy reklama milliy festivali, Baynalminal Madaniy markaz bilan hamkorlikda «O`zbekiston umumiy uyimiz» kitobining kengaytirilgan taqdimoti, shuningdek, Respublika “Hunarmand” assosiasiyasi bilan birgalikda xalq amaliy san`ati buyumlari ko`rgazma-yarmarkasi va “Mustaqil O`zbekiston ustalari” kitob-albomi taqdimotini o`tkazish ko`zda tutilmoqda.
«Press-ClubElections.uz-2016»ning rasmiy ochilish marosimi 2016 yil 30 noyabrda bo`lib o`tadi.
06.05.2024, 13:48
O`zbekistonda oxirgi 3 oy ichida qancha avtobus ishlab chiqarilgani ochiqlandi. Bu haqda Statistika agentligi xabar berdi. O`zbekistonda oxirgi 3 oy ichida qancha avtobus ishlab chiqarilgani ochiqlandi. Mart...
25.04.2024, 07:33
Xitoyning Xenan provinsiyasidagi chakana savdo tarmog`i asoschisi Yu Donglay xodimlarga ish va hayot muvozanatini yaxshilashga yordam berish uchun “baxtsiz ta`til” kunlarini joriy qildi, deb yozadi...
01.04.2024, 16:31
Ijtimoiy tarmoqlarda Solixon domla nomi bilan tanilgan Solixon Ortiqxo`jaev 15 sutkaga qamaldi. Bu haqda Toshkent shahar sudlari Darakchi.uz ga xabar berdi.2024 yil 30 mart Toshkent...
01.04.2024, 09:13
Avval xabar qilganimizdek, yakshanba kuni Turkiyada mahalliy hokimiyatlarga saylovlar bo`lib o`tdi. Bayonnomalarning 93 foiz sanab chiqilganda, Respublika xalq partiyasi 37,4 foiz, hukmron Adolat va taraqqiyot...
