«Yo`l transport hodisalarida jabrlangan shaxslarga tibbiy yordam ko`rsatilishini tashkil etish to`g`risida»gi idoralararo buyruq loyihasi muhokamaga qo`yildi.
Hujjat loyihasi bilan yo`l-transport hodisalarida jabrlangan shaxslarga ko`rsatiladigan tibbiy yordam hodisa yuz bergan joyning o`zida tibbiyot xodimlari etib kelguniga qadar birlamchi shoshilinch yordam (birinchi tibbiy yordam) ko`rsatish tartibi tasdiqlanmoqda.
Birlamchi shoshilinch yordam voqea joyida birinchi tibbiy yordam ko`rsatish bo`yicha maxsus tayyorgarlikdan o`tgan shaxslar tomonidan ko`rsatiladi. Bunda birlamchi shoshilinch yordam ko`rsatish uchun transport vositasining salonida turishi shart bo`lgan zarur tibbiy ashyolardan foydalaniladi.
Birinchi tibbiy yordam ko`rsatish bo`yicha maxsus tayyorgarlikdan o`tgan quyidagi shaxslar kiradi:
- ichki ishlar xodimlari;
- harbiy xizmatchilar;
- Milliy gvardiya xodimlari;
- Favqulodda vaziyatlar vazirligining qutqaruvchilari;
- avtotransport haydovchilik guvohnomalari mavjud shaxslar.
