Mahalliy vaqt bilan soat 11:20 da Toshkent xalqaro aeroporti vokzal oldi maydonida yangi “Terminal” kafesida yong`in kelib chiqqan. Voqea joyiga zudlik bilan aeroport va shahar o`t o`chirish bo`limlari etib kelgan.
Yong`in soat 11:47 da o`chirilgan. Yong`in natijasida 5 kv.m maydonga zarar etkazilgan. Jabrlanganlar yo`q. Dastlabki ma`lumotlarga ko`ra, hodisaga oshxonadagi kichik yong`in sabab bo`lgan.
Toshkent xalqaro aeroporti normal rejimda ishlamoqda.
