Bugun, 9 sentyabr kuni Toshkentda 5 ta mashina ishtirokida yo‘l transport hodisasi sodir bo‘ldi.
Toshkent shahar IIBB YHXB matbuot xizmati xabariga ko‘ra, hodisa soat 09:10 atrofida Mirzo Ulug‘bek tumani Mustaqillik shoh ko‘chasida ro‘y bergan.
Xususan, YTHda 5 ta avtomobil to‘qnashib ketgan:
• 22 yoshli haydovchi boshqaruvidagi "Cobalt" mashinasi;
• 28 yoshli haydovchi boshqaruvidagi "Tracker-2" mashinasi;
• 26 yoshli haydovchi boshqaruvidagi "Lacetti" mashinasi;
• 31 yoshli haydovchi boshqaruvidagi "Nexia-3" mashinasi;
• 40 yoshli haydovchi boshqaruvidagi "Skoda" mashinasi.
Ma’lum qilinishicha, YTH natijasida tan jarohat olganlar yo‘q. Hozirda holat yuzasidan surishtiruv ishlari olib borilmoqda.
Sirdaryo viloyatida ham 6 ta transport vositasi ishtirokida sodir bo‘lgan yo‘l transport hodisasi sodir bo‘lgan edi.
