Бугун, 9 сентябрь куни Тошкентда 5 та машина иштирокида йўл транспорт ҳодисаси содир бўлди.
Тошкент шаҳар ИИББ ЙҲХБ матбуот хизмати хабарига кўра, ҳодиса соат 09:10 атрофида Мирзо Улуғбек тумани Мустақиллик шоҳ кўчасида рўй берган.
Хусусан, ЙТҲда 5 та автомобиль тўқнашиб кетган:
• 22 ёшли ҳайдовчи бошқарувидаги "Cobalt" машинаси;
• 28 ёшли ҳайдовчи бошқарувидаги "Tracker-2" машинаси;
• 26 ёшли ҳайдовчи бошқарувидаги "Lacetti" машинаси;
• 31 ёшли ҳайдовчи бошқарувидаги "Nexia-3" машинаси;
• 40 ёшли ҳайдовчи бошқарувидаги "Skoda" машинаси.
Маълум қилинишича, ЙТҲ натижасида тан жароҳат олганлар йўқ. Ҳозирда ҳолат юзасидан суриштирув ишлари олиб борилмоқда.
Сирдарё вилоятида ҳам 6 та транспорт воситаси иштирокида содир бўлган йўл транспорт ҳодисаси содир бўлган эди.
