Navoiy viloyatida yoqilg‘i mahsulotlari sotuvidan tushgan 689,5 mln so‘mni o‘zlashtirgan shaxslar aniqlandi. Bu haqda Bosh prokuratura huzuridagi Departament xabar qildi.
Departamentning Navoiy viloyat boshqarmasi tomonidan “N.B.” MCHJning murojaatiga asosan o‘tkazilgan tergovga qadar tekshiruvda, MCHJga qarashli AYOQSH bosh operatori S.A. va boshqalar rasmiy hujjatlarga soxta ma’lumotlar kiritish orqali yoqilg‘i mahsulotlari sotuvidan tushgan 689,5 mln so‘mni kirim qilmasdan, o‘zlashtirish yo‘li bilan talon-toroj qilganliklari aniqlangan.
Mazkur holat yuzasidan JKning 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
