Samarqand davlat arxitektura-qurilish institutida yong‘in yuz berdi. Bu haqda Samarqand viloyati FVB xabar qildi.
Ma’lum bo‘lishicha, yong‘in kecha soat 23:45 da istitutda yangidan qurilayotgan (qurilishi tugallanmagan) faollar zalida sodir bo‘lgan.
Samarqand viloyat FVB xabariga ko‘ra, 6 ta qutqaruv ekipaji jalb qilinib, yong‘in soat 00:30 da to‘liq bartaraf etilgan.
Yong‘in natijasida eski qurilish mahsulotlari yonib zararlangan. Hodisa oqibatida jabrlanganlar yo‘q. Hozirda yong‘inning kelib chiqish sababi aniqlanmoqda.