Rossiyaning Sankt-Peterburg shahrida o‘zbekistonlik 15 yoshli o‘smir 42 yoshli hamyurtini pichoqladi.
Hodisa joriy yilning 19 oktyabr kuni tunda Pravda ko‘chasida sodir bo‘lgan. Yosh yigit rashk tufayli 42 yoshli O‘zbekiston fuqarosini pichoq bilan yaralagan. Jabrlanuvchi og‘ir ahvolda shifoxonaga yotqizilgan.
Ma’lumotlarga ko‘ra, erkak yosh hamyurti – xotinining o‘g‘li bilan til topisha olmagan. Bola esa pichoq bilan hujum qilgan.
Jinoiy qidiruv xodimlari 15 yoshli o‘zbekistonlik yigitni qo‘lga olgan. U qasddan badanga og‘ir shikast yetkazishda gumon qilinib, vaqtinchalik saqlash izolatoriga jo‘natilgan.
