Ma’lumki, Oliy Majlis Qonunchilik palatasi va mahalliy kengashlariga saylov yakuniga yetdi. So‘nggi natijalarga ko‘ra, O‘zLiDeP partiyasi umimiy deputatlik o‘rnining deyarli 43 foizini egalladi. Aytish kerakki partiya o‘zi uchun tarixiy natija qayd etib, yetakchi partiya degan nomini yanada mustahkamladi. Xo‘sh, bu ko‘rsatkichga qanday erishildi?
Albatta, hech qanday yutuq osmondan tushmaydi. Uni ortida mashaqqatli mehnat yotadi. Buni hammamiz yaxshi bilamiz. O‘zLiDePni saylov davridagi faolligini ko‘rib shunday fikrga kelish mumkin. Haqiqatan ham partiya saylovning har bir mayda detaligacha e’tibor qaratgan. Ayniqsa targ‘ibot tadbirlariga kreativ yondashishga harakat qilgani e’tiborga loyiq.
O‘zLiDeP o‘zining saylovoldi dasturida ham, aholi bilan uchrashuvlarda ham, ommaviy tadbirlarda ham bir gapni qayta-qayta takrorladi. Ya’ni partiya mamlakatimizda xalqchil, hayotiy umuman olganda inson qadrini yuksaltirish borasida olib borilayotgan islohotlarni xususan, “O‘zbekiston - 2030” strategiyasidagi ustuvor vazifalarni hayotga to‘liq tadbiq etilishini o‘z zimmasiga olgan siyosiy kuchdir.
5 maqsad 500 vazifani oldiga qo‘ygan partiya dasturida chindan ham odamlar farovon hayot kechirishi, farzandlar sifatli ta’lim va tibbiyotdan bahramand bo‘lishi, ayollarimiz va nuroniylarimiz, jamiki yurtdoshlarimiz baxtli yashashi, xalqimiz dasturxoni to‘kin bo‘lishi hamda ertangi kunimiz yorug‘ bo‘lishiga qaratilgan ustuvor maqsadlar belgilangan.
Ushbu vazifalarni amalga oshirishini kutamiz va O‘zLiDePning kelgusidagi faoliyatini kuzatib boramiz.
