Toshkent shahrida ko‘chalardagi noqonuniy reklama banerlari demontaj qilinadi. Bu bo‘yicha Toshkent shahar hokimligi quyidagilarni ma’lum qildi.
Jumladan, Mirobod tumani markaziy ko‘chalarida "poytaxt tashqi qiyofasi ko‘rkamligini saqlab qolishga hamda ko‘chalarda xavfsizlikni oshirishga yo‘naltirilgan reyd tadbirlari" o‘tkazilmoqda.
Tuman hokimligi mutasaddilari ishtirokida olib borilayotgan reyd tadbirlarida Nukus, Shaxrisabz, Mirobod, Turkiston, Farg‘ona yo‘li va boshqa qator ko‘chalarda joylashgan ko‘p qavatli uylarning fasad qismi, piyodalar yo‘laklarida o‘rnatilgan 100dan ziyod noqonuniy reklama va turli e’lonlar banerlari demontaj qilindi.
"Tadbir davomida o‘rnatilgan reklama konstruksiyalarining amaldagi normativlarga muvofiqligi o‘rganildi", – deyiladi xabarda.
