Yevropa Ittifoqi neft savdosi bilan shug‘ullanuvchi Nils Troostga Rossiyaning aloqadorligi sababli sanksiyalar kiritdi. Ushbu Niderlandiya fuqarosi Ukrainaning keng miqyosli bosqinidan keyin G‘arb tomonidan joriy qilingan neft narxlarini cheklash bog‘liq ravishda nishonga olingan birinchi Yevropa Ittifoqi fuqarosi hisoblanadi.
Ayni paytda Shveysariyada yashovchi Troost Financial Times gazetasiga bergan bayonotida bu qarorni tanqid qildi.
Uning fikricha, bu sobiq biznes hamkorining biznes aloqalari buzilganidan keyin Moskva bilan aloqalarini bo‘rttirib ko‘rsatish kampaniyasi natijasidir.
O‘tgan hafta e’lon qilingan Financial Times tekshiruvi shuni ko‘rsatdiki, Troostning biznes hamkori Gaurav Kumar Shrivastava unga “Markaziy razvedka boshqarmasiga ishlaydigan maxfiy xodim ekanligini aytib, Troostning kompaniyasiga Rossiya neft xomashyosi bilan qonuniy ravishda savdo qilishiga ruxsat berish uchun AQSH G‘aznachiligidan litsenziya olib berishni va’da qilgan.
Troost buning yolg‘onligini aniqlab, 2023 yil may oyida hamkorlikni to‘xtatganidan keyin Shrivastava uning obro‘sini to‘kish kampaniyasini boshlagan: Troostning ehtimoliy qonunbuzarliklari haqidagi tasdiqlanmagan ma’lumotlarni diplomat va jurnalistlarga jo‘nata boshlagan emish.
Shrivastava esa bu ayblovlarni rad etib, Troostning o‘zini yolg‘onchilikda aybladi. Troost va uning kompaniyasi direktorlaridan biri Fransua Mauron 2024 yilning fevralida va 2023-yilning noyabrida Buyuk Britaniya tomonidan sanksiyalarga tortilgan edi. YEI sanksiyalari Troostning Jenevada joylashgan Paramount Energy & Commodities DMCC kompaniyasining 2022 yil iyun oyida Rossiya neft savdosi faoliyatini Dubaydagi sho‘ba korxonasiga o‘tkazish to‘g‘risidagi qaroriga ishora iladi.
Troostning matbuot kotibi Yevropa Ittifoqining yuqorida zikr etilgan harakatiga ishora qilib, shunday dedi:
“Ushbu qaror hech qanday qonun yoki faktga asoslanmagan. Janob Troost ham, uning kompaniyalari ham hech qachon qonun yoki qoidalarni buzmagan va .... unga nisbatan Niderlandiyada, Shveysariyada yoki AQSHda biror surishtiruv o‘tkazilganidan xabari yo‘q" va ... Yevropa Ittifoqining sanksiyalari belgilanishiga e’tiroz bildiradi.
Bunga javoban Shrivastava shunday dedi:
“Yevropa Ittifoqi o‘zi sanksiyalar qo‘ygan shaxslar va tashkilotlarni sinchkovlik bilan tekshiradi. Dalillar gapirdi."
