O`zbek diasporasi Ekaterinburgda ochilayotgan, aktyor va qiziqchi Sergey Svetlakovga tegishli «Eshak» restorani reklamasidan norozi bo`ldi. Bu haqda «Ural-O`zbekiston do`stlik jamiyati» raisi Obid Turatov ma`lum qildi, deb yozadi “Daryo” “Znak.com” saytiga asoslanib.
Uning so`zlariga ko`ra, reklama plakatida sharqona libos kiyib, qo`lida qozon tutgan holda eshakning yonida o`tirgan Svetlakov o`zbek xalqining «salbiy va haqoratli» qiyofasini yaratadi.
Nashr ta`kidlashicha, Turatov Sverdlovskaya viloyatidagi inson huquqlari bo`yicha vakil apparatiga hamda Ekstremizmga qarshi kurash markaziga murojaat qilgan. Bundan tashqari, rais prokuraturaga shikoyat qilmoqchi.
«Ushbu haqoratli reklama olib tashlanishiga erishmoqchiman. Dushmanlik urug`i sochilmasligi uchun. Aytaylik, xalqimizning yosh vakillari sarxushlik holatida ushbu reklamani ko`rib qolib, restoranning oynalarini sindirsa, nima bo`ladi?» — deya aniqlik kiritdi Turatov.
«Bizda Toshkentda negadir ‘Cho`chqa’ deb ataluvchi rus taomlari restorani yo`q. Chunki bu ham xuddi shunday haqorat bo`lgan bo`lardi!» — deya qo`shimcha qildi u.
Shikoyatlarga javoban, restoranni boshqaruvchi Bulldozer Group kompaniyasining marketing bo`yicha direktori Olga Glushkova ushbu reklama kimningdir hislarini haqorat qilish maqsadiga ega emasligini ta`kidladi. «Sergey Svetlakov bu voqeadan juda xafa bo`ldi. Bizning tushunishimizcha, shu tariqa biz orqali ‘piar’ qilishmoqchi. Bu voqea to`lig`icha to`qib chiqarilgan. Bizning restoran o`zbek taomlari emas, Sharq taomlariga asoslangan. O`z nomimiz bilan biz hech kimni haqorat qilmayapmiz», — dedi u.
21.04.2024, 17:45
Kelgusi haftada Rossiya Eronga 24 ta Su-35 qiruvchi samolyotini topshiradi. Bu haqda “The Wall Street Journal” nashri ma`lum qilgandi. Eronning bir qator OAVlarining xabar berishicha, Rossiya...13.09.2023, 11:02
Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol o`tkazib...15.07.2023, 09:45
Samarqand viloyati Kattaqo`rg`on tumanida 1996 yilda tug`ilgan ayol Rossiyada ishlovchi eri bilan janjallashishi oqibatida ikki nafar voyaga etmagan qiz farzandlarini kaltaklab, uni tasvirga olib, eriga...14.02.2023, 13:14
Rossiyalik qutqaruvchilar qidiruv-qutqaruv ishlari davomida Turkiyadagi turar-joy binosi vayronalarini tozalash chog`ida katta miqdorda pul topdi. Bu haqda Rossiya Favqulodda vaziyatlar vazirligi xabar qildi."Rossiya Favqulodda vaziyatlar...