Kecha, 27 yanvar kuni soat 21:33 da Uchtepa tumani, “Taqachi” MFY Taqachi ko‘chasida joylashgan, tikuvchilik korxonasining omborida yong‘in bo‘layotganligi to‘g‘risida, Toshkent shahar FVBga xabar kelib tushgan.
Yong‘in qutqaruv ekipajlari manzilga soat 21:40 da yetib borib, yong‘in soat 22:22 da qurshab olingan va soat 01:41 da o‘chirilgan.
Yong‘in natijasida tan jarohati olgan va vafot etgan fuqarolar yo‘q.
Voqea joyiga Toshkent shahar FVB rahbariyati hamda ma’sul tashkilotlarning vakillari chiqgan.
Hozirda yong‘in sababi va keltirilgan moddiy zarar aniqlanmoqda.
