Qozog‘istondan Rossiyaga yuborilgan tovuqda listeriya bakteriyasi aniqlandi. Bu haqda Rosselxoznadzor xabar qildi.
Ma’lum bo‘lishicha, Rossiyaga go‘shtni yirik tovuq ishlab chiqaruvchisi “Makinskaya ptitsefabrika” yetkazib beradi. Bu korxona O‘zbekiston va Qirg‘izistonni ham mahsulot bilan ta’minlaydi.
Qayd etilishicha, bakteriya organizmga tushganda o‘limga olib kelishi mumkin. Hozirda go‘sht musodara qilingan, Qozog‘istondan keltirilgan mahsulotlar esa kuchaytirilgan tartibda nazoratga olingan.
