O‘zbekistonning 9 ta hududi aholisi gaz ta’minotidan vaqtincha uzildi

Ta’mirlash va gaz sizib chiqish holatlarini bartaraf etish ishlari sababli 20 fevral kuni ayrim hududlarda gaz ta’minoti vaqtincha to‘xtatiladi, deb xabar bermoqda «Hududgazta’minot» AJ axborot xizmati.

Unga ko‘ra, Toshkent shaharning Mirzo Ulug‘bek tumanida 10:00 dan 18:00 gacha 484 ta aholi va 6 ta ulgurji iste’molchi;

Toshkent viloyatining O‘rta Chirchiq va Quyi Chirchiq tumanlarida 13:00 dan 17:00 gacha, Zangiota va Toshkent tumanlarida 09:00 dan 17:00 gacha 4625 ta aholi va 82 ta ulgurji iste’molchi;

Sirdaryo viloyatining Guliston shahri, Boyovut va Guliston tumanlarida 10:00 dan 18:00 gacha 16933 ta aholi va 209 ta ulgurji iste’molchi;

Buxoro viloyatining Jondor tumani da 13:00 dan 17:00 gacha 580 ta aholi iste’molchi;

Qashqadaryo viloyatining Qarshi shahri () va Qarshi tumanida 10:00 dan 17:00 gacha 7020 ta aholi va 22 ta ulgurji iste’molchi;

Surxondaryo viloyatining Termiz va Sherobod tumanlarida 08:30 dan 17:00 gacha 13892 ta aholi va 365 ta ulgurji iste’molchi;

Navoiy viloyatining G‘azg‘on shahrida 04:00 dan 17:00 gacha 1154 ta aholi va 11 ta ulgurji iste’molchi;

Xorazm viloyatining Qo‘shko‘pir va Shovot tumanlarida 10:00 dan 17:00 gacha 893 ta aholi va 12 ta ulgurji iste’molchi;

Qoraqalpog‘iston Respublikasining Taxtako‘pir va Xo‘jayli tumanlarida 14:00 dan 18:00 gacha 8110 ta aholi iste’molchi.

Ta’kidlanishicha, ta’mirlash ishlari yakunlangandan so‘ng gaz ta’minoti qayta tiklanadi.