Viloyat Yo'l harakati xavfsizligi boshqarmasi ma'lumotiga ko'ra, hodisa bugun, 23 iyun kuni soat 16:00 larda D-094 “Oltiariq–Vodil” avtomobil yo'lining 34-kilometrida, Oltiariq tumanidagi “Belariq” mahallasi hududida yuz bergan.
Dastlabki ma'lumotlarga ko'ra, 1995 yilda tug'ilgan haydovchi boshqaruvidagi “Damas” avtomobili Oltiariq markazi–Qiziltepa yo'nalishida harakatlanib ketayotgan vaqtda quvib o'tish qoidasini buzib, qarama-qarshi harakatlanish qismiga chiqqan.
Natijada ushbu transport vositasi qarshi tomondan kelayotgan boshqa bir “Damas” avtomobili bilan to'qnashgan.
Hodisa oqibatida bir nafar haydovchi va bir nafar yo'lovchi tan jarohati olib, shifoxonaga olib ketilgan.
Mazkur holat yuzasidan tegishli tartibda surishtiruv ishlari olib borilmoqda.
