AQSH Prezidenti Donald Tramp ma’muriyati siyosatiga va AQSH Hukumat Samaradorlik Departamentini (DOGE) nazorat qiluvchi Ilon Maskning harakatlariga qarshi norozilik namoyishlari Qo‘shma Shtatlar bo‘ylab bo‘lib o‘tmoqda. Bu haqda CNN xabar berdi.
Qayd etilishicha, tashkilotchilar barcha 50 shtat va Kolumbiya okrugida 1400 dan ortiq miting o‘tkazishni rejalashtirmoqda.
“Qo‘lingni tort” (“Hands off!”) shiori ostidagi norozilik namoyishlari faollar “dushmanlarcha egallab olish” deb ataydigan narsaga javobdir. Namoyishlar shtat qonunchilik binolari, federal muassasalar, kongress idoralari va shahar ma’muriyatlari oldida bo‘lib o‘tmoqda.
Namoyishchilar soni ochiqlanmagan, biroq CNN telekanali namoyishga 600 mingga yaqin odam ro‘yxatdan o‘tganini bildirmoqda.
Namoyishchilarning asosiy talablari orasida “milliarder hokimiyatni tortib olish” va Tramp ma’muriyatidagi korrupsiyaga chek qo‘yish, Medicaid va Social Security (sog‘liqni saqlash va tibbiy sug‘urta dasturlari) uchun mablag‘ni saqlab qolish, immigrantlar va transgenderlarga qarshi hujumlarni to‘xtatish kiradi.
