Rim Papasi Fransisk vafot etdi — Vatikan tasdiqladi.
Bugun, 21 aprel kuni katolik dunyosining yuragi yana g‘amga botdi: 88 yoshli Rim Papasi Fransisk bugun tongda Vatikanda vafot etdi. Bu haqda birinchi bo‘lib Reuters agentligi Vatikanga tayanilgan holda xabar berdi.
Papa Fransisk joriy yilning yanvar oyida og‘ir kasallik — ikki tomonlama pnevmoniya bilan og‘rigan va Rimdagi “Djemelli” klinikasida 38 kun davolangan edi. Kasalxonadagi shifokorlar uning holatini bir necha bor “og'ir” deya baholagan edi.
Shu bilan birga, umid uchquni 23 fevral kuni paydo bo‘ldi: o‘sha kuni Papa birinchi marta omma oldida ko‘rinish berdi. U bemorxona palatasining balkonidan nasroniylarga murojaat qilib, duo so‘ragan va quvvat bilan so‘zlagan edi. Uning ovozi hanuz zaif, ammo qalbida umid bor edi.
Papa Fransisk — argentinalik Xorxe Mario Bergolio — 2013 yildan buyon Papa lavozimida ishlagan va tarixdagi ilk lotinamerikalik, shuningdek, ilk iyezuit Papa sifatida katolik olamida muhim iz qoldirgan shaxsdir. U islohotchi, kamtar va xalqqa yaqin Papa sifatida tanilgan, ko‘plab dolzarb mavzularda, jumladan muhojirlar, iqlim o‘zgarishi, va ijtimoiy tenglik masalalarida.qat’iy bayonotlar bergan,
Papaning vafoti Vatikanda 9 kunlik motamni boshlaydi. Bu muddat davomida “interregnum” — ya’ni Papasiz qolgan payt davom etadi va keyingi Papani saylash uchun kardinallar yig‘ilishi — Konklav chaqiriladi.
Katoliklarning ishonishicha, qadimgi bitiklarga ko‘ra, ushbu Papaning o‘limidan keyin qiyomat boshlanadi va Iso Masih ikkinchi marta Yerga tushadi"
Papaning o‘limi - katolik dunyosining 1,3 milliard nasroniylari uchun ulkan yo‘qotishdir. Fransiskning zamonaviylik bilan an’anani uyg‘unlashtirishga qaratilgan sa’y-harakatlari uzoq vaqt yodda qoladi.
Bu yo‘qotish — faqatgina katoliklar uchun emas, butun insoniyat uchun ruhiy saboqdir. Hayot nozik, kamtarlik esa eng oliy martaba.
Abdulloh Sayyid
