Рим Папаси Франциск вафот этди — Ватикан тасдиқлади.
Бугун, 21 апрель куни католик дунёсининг юраги яна ғамга ботди: 88 ёшли Рим Папаси Франциск бугун тонгда Ватиканда вафот этди. Бу ҳақда биринчи бўлиб Reuters агентлиги Ватиканга таянилган ҳолда хабар берди.
Папа Франциск жорий йилнинг январь ойида оғир касаллик — икки томонлама пневмония билан оғриган ва Римдаги “Джемелли” клиникасида 38 кун даволанган эди. Касалхонадаги шифокорлар унинг ҳолатини бир неча бор “оғир” дея баҳолаган эди.
Шу билан бирга, умид учқуни 23 февраль куни пайдо бўлди: ўша куни Папа биринчи марта омма олдида кўриниш берди. У беморхона палатасининг балконидан насронийларга мурожаат қилиб, дуо сўраган ва қувват билан сўзлаган эди. Унинг овози ҳануз заиф, аммо қалбида умид бор эди.
Папа Франциск — аргентиналик Хорхе Марио Берголио — 2013 йилдан буён Папа лавозимида ишлаган ва тарихдаги илк лотинамерикалик, шунингдек, илк иезуит Папа сифатида католик оламида муҳим из қолдирган шахсдир. У ислоҳотчи, камтар ва халққа яқин Папа сифатида танилган, кўплаб долзарб мавзуларда, жумладан муҳожирлар, иқлим ўзгариши, ва ижтимоий тенглик масалаларида.қатъий баёнотлар берган,
Папанинг вафоти Ватиканда 9 кунлик мотамни бошлайди. Бу муддат давомида “interregnum” — яъни Папасиз қолган пайт давом этади ва кейинги Папани сайлаш учун кардиналлар йиғилиши — Конклав чақирилади.
Католикларнинг ишонишича, қадимги битикларга кўра, ушбу Папанинг ўлимидан кейин қиёмат бошланади ва Исо Масиҳ иккинчи марта Ерга тушади.
Папанинг ўлими - католик дунёсининг 1,3 миллиард насронийлари учун улкан йўқотишдир. Францискнинг замонавийлик билан анъанани уйғунлаштиришга қаратилган саъй-ҳаракатлари узоқ вақт ёдда қолади.
Бу йўқотиш — фақатгина католиклар учун эмас, бутун инсоният учун руҳий сабоқдир. Ҳаёт нозик, камтарлик эса энг олий мартаба.
Абдуллоҳ Саййид
