FIFA 2025-yilning 3–27-noyabr kunlari Qatarda bo‘lib o‘tadigan U-17 Jahon chempionati final bosqichiga qur’a tashlash marosimi sanasini e’lon qildi. Ma’lumotga ko‘ra, tadbir joriy yilning 25-may kuni Toshkent vaqti bilan soat 21:00 da Doha shahrida o‘tkaziladi.
Musobaqada ishtirok etuvchi 48 ta jamoa 4 savatchaga ajratilgan bo‘lib, O‘zbekiston U-17 terma jamoasi 2-savatchaga joylashtirilgan.
1-savatcha: Qatar, Braziliya, Fransiya, Mali, Germaniya, Meksika, Argentina, Angliya, Yaponiya, Paragvay, AQSh, Senegal
2-savatcha: Koreya Respublikasi, Marokash, O‘zbekiston, Italiya, Belgiya, Yangi Zelandiya, Chili, Venesuela, Xorvatiya, Kolumbiya, Gonduras, Burkina-Faso
3-savatcha: Kosta-Rika, Tojikiston, Panama, Indoneziya, KXDR, Kot-d’Ivuar, Tunis, Yangi Kaledoniya, Kanada, Janubiy Afrika, Avstriya, Gaiti
4-savatcha: BAA, Portugaliya, Chexiya, Irlandiya, Shveysariya, Zambiya, Misr, Uganda, Boliviya, Saudiya Arabistoni, El-Salvador, Fiji
Ma’lumot uchun, turnirda jami 48 jamoa ishtirok etadi. Ular 12 ta guruhga bo‘linadi. Guruh bosqichida birinchi va ikkinchi o‘rinni egallagan jamoalar, shuningdek, eng yaxshi ko‘rsatkich qayd etgan 8 ta uchinchi o‘rin sohibi 1/16 final bosqichiga yo‘llanma oladi.
