O‘zbekistonda 1 avgustdan bazaviy hisoblash miqdori 412 ming so‘m bo‘ladi. Bu haqda prezidentning "Ish haqi, pensiyalar, stipendiyalar va nafaqalar miqdorini oshirish to‘g‘risida"gi farmonida so‘z boradi.
Farmonga ko‘ra, 2025 yil 1 avgustdan boshlab:
- mehnatga haq to‘lashning eng kam miqdori — oyiga 1 271 000 so‘m;
- bazaviy hisoblash miqdori — 412 000 so‘m (amalda 375 000 so‘m) etib belgilandi.
Bundan tashqari, 2025 yil 1 iyuldan boshlab pensiyani hisoblashning bazaviy miqdori — oyiga 471 000 so‘m bo‘ladi.
Avvalroq, O‘zbekistonda 1 iyuldan pensiya, nafaqalar, 1 avgustdan esa ish haqi hamda stipendiyalar 10 foizga oshirilishi haqida xabar bergandik.
