Uchrashuv chog‘ida tomonlar yaqinda Ukraina xavfsizlik xizmati (SBU) tomonidan amalga oshirilgan “To‘r” operatsiyasi doirasidagi voqealarni muhokama qilgan.
Tramp o‘zining Truth Social tarmog‘ida yozishicha, suhbat 1 soat 15 daqiqa davom etgan va “yaxshi” o‘tgan, biroq hali “zudlik bilan tinchlikka olib keluvchi” darajada bo‘lmagan.
“Prezident Putin aerodromlarga qilingan hujumga javoban choralar ko‘rishga majbur bo‘lishini qat’iy aytdi”, — deydi Tramp.
Shuningdek, yetakchilar Eron va AQSH o‘rtasidagi yadroviy bitimni ham muhokama qilgan. Trampning so‘zlariga ko‘ra, u Putin bilan Eronning yadroviy qurolga ega bo‘lmasligi kerakligi borasida yakdil fikrga kelgan.
“Men prezident Putinga Eronda yadroviy qurol bo‘lishi mumkin emasligini aytdim. U esa bu masala bo‘yicha Eron bilan muzokaralarga qo‘shilish va jarayonni tezroq hal etishda ko‘maklashishga tayyorligini bildirdi”, — deya qayd etdi Tramp.
