AsosiyJamiyat

Samarqandda inspeksiya xodimi pora bilan qo‘lga tushdi

U 2500 AQSH dollarini olgan vaqtda ushlangan.

'Samarqandda inspeksiya xodimi pora bilan qo‘lga tushdi'ning rasmi

DXX xabariga ko‘ra, Texnik jihatdan tartibga solish sohasida nazorat inspeksiyasining Samarqand viloyati bo‘limi bosh mutaxassisi Paxtachi tumanidagi MCHJlardan biriga qarashli g‘isht zavodida nazorat tekshiruvini amalga oshirish vaqtida aniqlangan kamchiliklarni bo‘rttirib, go‘yoki 226 mln so‘mlik sifatsiz g‘isht mahsulotlari ishlab chiqarilgan va realizatsiya qilinganligini aytadi. 

So‘ngra, u o‘tkazilgan tekshiruv yuzasidan tuzishi lozim bo‘lgan bayonnomada ushbu 226 mln so‘m jarimani 25 mln so‘mgacha kamaytirish evaziga 3 000 AQSH dollari talab qiladi.

DXX xodimlari tomonidan o‘tkazilgan tezkor tadbirlar davomida bu uddaburon bosh mutaxassis o‘z xizmat xonasida 2500 AQSH dollarini pora sifatida olgan vaqtida ashyoviy dalillar bilan ushlandi.

Hozirda ushbu mansabdor shaxsga nisbatan Jinoyat Kodeksining 210-moddasi 2-qismi “v” bandi bilan jinoyat ishi qo‘zg‘atilib, qamoq ehtiyot chorasi qo‘llanildi.

Tergov harakatlari olib borilmoqda, deyiladi xabarda. 

    Boshqa yangiliklar