Shveytsariya parlamentidagi besh partiyadan siyosatchilar mamlakatdan tranzit tarzida o‘tayotgan, biroq tunab qolmaydigan xorijlik haydovchilarga maxsus soliq joriy etishni taklif qilishdi. Taklifga ko‘ra, bu “tranzit solig‘i” transport oqimining zichligiga qarab o‘zgarib turadi.
“Agar tirbandlik kuchli bo‘lsa — narx balandroq bo‘lishi kerak, agar past bo‘lsa — arzonroq”, — deydi “Markaz” partiyasi vakili, Uri kantoni vakili Simon Shtadler.
Deputatning aytishicha, Uri aholisi dam olish kunlari va bayramlarda yuzaga keladigan kilometrlar davom etuvchi tirbandliklardan charchagan. U matbuotga bergan intervyusida yangi tartib xorijliklarni kamsitadi degan tanqidlar “ko‘nglini biroz to‘ydirganini” aytdi. “Katta tirbandlik — bu Uri aholisi uchun yuk”, — deydi Shtadler.
Qayd etilishicha, yangi soliq Shveytsariyada avtomobil yo‘llaridan foydalanish uchun joriy yillik to‘lov — taxminan 43 yevroga qo‘shimcha ravishda olinadi.
